20 დეკემბერს მედიის განვითარების ფონდმა MDF ფრონტლაინ კლუბში ქართულ მედიაში სიძულვილის ენის და დისკრიმინაციული გამოხატვის მედია მონიტორინგის ანგარიში წარმოადგინა.
მონიტორინგი, რომელიც ეთნიკური, რელიგიური, სექსუალური და გენდერული ნიშნით დისკრიმინაციასა და სიძულვილის ენაზე დაკვირვებას ისახავდა მიზნად, 15 აპრილიდან 15 აგვისტომდე პერიოდს მოიცავს. პრეზენტაციაზე წარმოდგენილი იყო რეკომენდაციები მედიის, პროფესიული და არასამთავრობო ორგანიზაციების მიმართ, ასევე მედიის განვითარების ფონდისა და საქართველოს დემოკრატიული ინიცატივის (GDI) ერთობლივი რეკომენდაცია პოლიტიკური პარტიებისა და სამოქალაქო სექტორის მიმართ ქსენოფობიასთან ბრძოლის ეფექტური მექანიზმების შექმნის შესახებ.